مصباح المهدي ॥ لغة للأغنياء ولغة للفقراء

أنا معجب بهذا الشاعر، شاعر مغمور بقيمة شاعر مشهور وأكثر ، هو عندي أعلي مقاما من كثيرين يملئون الصحف ويعاملون بترحيب في المنتديات شبه الأدبية يتبادلون النفاق والفجاجة।

أنا معجب بهذا الشاعر رؤية ولغة وحياة خاصة تتجسد في قصائده التي تعج بكل ما أثخنه من جراح التجارب ، وتعاقبات الأيام وعقاباتها।

أحب روحه المرتجفة مما يحدث له ، فهو لا يتلصص علي عنف الواقع من خلف لوح زجاجي وإنما يحتسي مراراته حتى الثمالة।

رؤيته ليست له يد في تشكيلها ، وإنما شكلها الواقع به مزجهما مزجا عبقريا فهو ليس مضطرا إلي القص عن واقع الفقراء وإنما يكفي أن يحكي عن يومه عما يراه رأي العين ويعايشه بالجسد والروح।

إذا ولأنه إنسان مصري بسيط ، البساطه هنا كلمة مبتذلة وعاطلة بكل ما تعنيه البساطة في تمددها من أطراف العوز المرير إلي معاناة جسدية وفكرية تعتصره اعتصارا دون افتعال رقة تهبه قدرة علي تحويل حياته إلي حسبة بسيطة تخترق عمق الإعاقة والتعتيم ، وتنطلق كالشهاب فيجيء شعره علي هذه الصورة।

(مصباح المهدي) إنسان فقير يسعى إلي قوت يومه بإعجاز يورث العجز لكنه لم يرضخ لما قسم له ، ثقف نفسه وخلق ضوءه الصغير السري بعيدا عن الآخرين وراح يحاول إتقان لعبته ، في النهار يسعى إلي المعايش الضئيلة القاسية ، وحين تفتح له أبواب الحياة الحقائق لا يتجاهلها।

أنا معجب بشعر يقوم علي لغتين ، أقصد لهجتين أو خلط قاموس بقاموس وإنما أعني لغة للأغنياء ولغة للفقراء يجسدها التزاحم والإبعاد والنفي وثقل الحذاء علي الرقبة ، ولغة فجة متعالية تكاد لا تري من تتوجه إليه।

(مصباح) شاعر شهم كما هو بطل في حياته بطل في شعره بطولة يعرفها فقراء مصر جميعا ، وجدت أخيرا من لا يخجله البوح بها।

عبد الرحمن الأبنودي أخبار الأدب 18/10/2009

نفس القماش

نفس القماش
ما تخطناش
خد لك قميص باتنين جنيه
فوق بنطلون باتنين جنيه
واعمل عريس
لعروسه من نفس القماش
قرب .. بلاش تبعد بعيد
عن خطنا
ف القطر حته تخصنا
وعلى الرصيف
عشرين رغيف بجنيه ف كيس
من عندنا
واللحمه .. لحمه والسلام
طلع مرق آخر تمام
واعمل قلق على قدنا
ما تخطناش
البنت مش شكل البنات
والواد ماهوش " تيب " البنات
الواد لنا
لو حب ياخد مننا
احنا اللي ف تراب الهدد
بتلمنا في جيوبها ريح
يمكن نكون أصل البلد
بس البلد من غيرنا عاش
وان عاش هياخد مننا
إذن المرور
دستور على الناس اللي فوق سطح البلد
شكل البلد من تحت إيه ؟!
يا قوة الله مؤمنة
بنحب لَمّة بعضنا فوق بعضنا
والثالثه ف القطر اللي لسه ماميزوش
فيه الدكك
معناها إيه ؟!
معناها إن اللى البلد سهران عليه
مش شكلنا
واللى احنا فيه دا لإننا
مسرح لحرب على الفقير ابن الحرام
اللي دخل على خطهم من أعلى سور
دستور يا عالم كل واحد مننا
يعرف بتاعه حدوده فين
من حقنا
ماتخطناش
اشطب على اصحاب الكلاب
واشطب على صحن الكباب
واشطب على صور الشباب
وقت المرح والروشنة
باتنين جنيه خد لك قميص
فوق بنطلون باتنين جنيه
واعمل عريس
لعروسه من نفس القماش